NA FITO YAWO GABAGAƊI..

 Akan harshen

        ABDUL-JABBAR

            ( shugaban ƴan kogo ) :

                    👇

               👇

Na fito yawo gabagaɗi 

              gashi an rarraunatani 

Ca nake a cikin garin nan 

            ni kaɗai zan ruɗa birni

Na zata a fagen karatu

           babu mai iya tsorata ni

Sai nazo na zaƙe ina ku-

                  -ri ina neman a bini

Nayi alfahari ga ƴan ko-

   -gonmu sai suka zuzzugani

To ashe wasu basu bacci 

     sun shiri don murƙushe ni

Na zamo tamkar barewa

           zakuna sun kewaye ni

Gashi na ɗebo ruwa ma-

        -'ishi da za'a tafarfasa ni

Na riga na furta manyan 

        zantukan ɓarna na muni

Duk abinda nazo dashi nan 

           take sai an warware ni

Gashi manyan malamai sun 

         kauda kai ba mai kulani

Ni ko naso ne su tanka 

    don yazam mun goge raini 

To ashe sun gane wayon 

       shi yasa suka ƙaurace ni

Kan sani suka sa ido don 

         bada damar markaɗe ni

Sai sukai izini ga yara 

     gashi nan sun tarwatsa ni

Duk gari an gane shi'an-

            -ci nake ƙaunar ayo ni

Na zamo wata mujiya gun

      duk mutan ƙauye da birni

Na tuno ranar da Al-qa-

      -sim Hotoro ya sargafe ni

Nai zufa kuma har ciki na 

           ya kaɗa duk nayi rauni

Sai da ƙyar fa nayo dabara 

       har na zuƙe mai ya barni

Shi ko Rabi'u Rijiyar le-

              -mu haƙiƙa ya ƙureni 

Shi waya ya kira ni rannan

          gaskiya ya girmama ni

Sai ya nemi muzo a zauna 

             to a nan ya razana ni

Don ko in akayo zama ko 

     shi kaɗai zai dammare ni

Nan nayo masa ƴan dabaru 

           kun sani wayo gare ni

Nai jiɓin goshi a ran nan 

   don ko ya manmangare ni

Sai Kabiru kamar da wasa

          shi kaɗai ya addabe ni 

Gashi yaro ɗanye-ɗanye 

           sai ya rusa min tunani 

Duk batun da nayo yaji ni 

      gobe sai ya kwalkwale ni 

In akwai magana nace ai 

           babu sai ya ƙaryata ni

In nace da akwai yazamto 

            babu sai ya fallasa ni

Gashi duk zancensa sai ya-

              -zo da hujjojin yaqini

Ni yawan bin dindiginsa 

         shi yake ɗan harzuƙa ni

Da zato na duk ƙasar nan 

             babu mai iya jijjiga ni 

Gashi har Ganduje yau ya 

          sanya ɗambar daƙile ni

Ga sanarwa ta fito an 

          sanya ranar turbuɗe ni

Banda ƴan kogo tsiraru 

        masu sanya min sukuni 

Ko cikin ƙwaryar gidanmu 

          babu ma mai bajjala ni

Sai fa ƴan Shi'ar Kano su-

            -ne suke son ingiza ni

Ga Iran na miƙa ƙoƙo

              har ila yau babu auni 

Na zata ai zasu aiko

               tallafi don ƙarfafa ni

Yanzu menene makoma 

       -ta ga ƴan ƙauye da birni 

Nayi ɓarna ba tunanin

            inda ɓarnar zata kaini

Shawara kowa ya bani

           ko akwai hanyar azani

Na fito yawo gabagaɗi

           gashi an rarraunata ni

                          ✍🏻

                  ༻📜༺    

    Abul-Mustapha Al-athary

        ═══ ༻🕸️༺═══ 

Ku kasance tare damu a : 

                👇🏻

            👇🏻

        👇🏻

Telegram:

https://t.me/alatharytv

YouTube: 

https:// www.youtube.com/channel/UCFXgXP3MN525l5h5BKXMusA 

Facebook:

 Al-athary Tv

Call/WhatsApp: 

08037894111 

Website:

http://alatharytv.blogspot.com